Mirë se vini në Regjistrin Elektronik të Legjislacionit të Biznesit.
Të nderuar përdorues,
Qeveria Shqiptare në vitet e fundit ka ndërmarre një sërë Reformash për  përmiresimin e klimës së biznesit dhe fuqizimin institucional, me synim rritjen e investimeve private, zhvillimin dhe rritjen e përgjithshme të ekonomisë së vendit.
Në kuadër të Lehtësimit të Hyrjes dhe Operacioneve të Biznesit, nëpërmjet përmirësimit të cilësisë së rregullave të biznesit, një vëmendje e veçantë i është kushtuar rritjes së transparencës, shkallës së informimit, lehtësimit të procedurave të të bërit biznes, minimizimit të abuzimeve të mundshme të administratës ndaj biznesit, si dhe rritjes së shkallës së konsultimeve me komunitetin e biznesit dhe grupet e interesit.

Për këtë qëllim, Qeveria Shqiptare përfshiu në Planin e Veprimit për Reformën Rregullatore edhe ndërtimin e Regjistrit Elektronik për Legjislacionin e Biznesit.
Nga ana e Ministrisë së Ekonomisë, Tregtisë dhe Energjetikës u ndërmorrën të gjitha masat për ngritjen dhe bërjen funksionale të këtij Web-Site, ku  mund të ketë akses i gjithë publiku.
Regjistri Elektronik përmban të gjithe Legjislacionin që lidhet direkt apo indirekt me funksionimin dhe zhvillimin e biznesit, në të gjitha fushat e veprimtarisë së tij. Ai është dizenjuar për të ndihmuar kryesisht ndërmarrjet e vogla dhe të mesme (SME), si dhe publikun në përgjithësi për të gjetur informacion të një natyre Rregullatore, lidhur me nisjen dhe zhvillimin e biznesit.
Legjislacioni i biznesit në këtë Web-Site është në të gjitha format e tij si, Ligje, Vendime të Këshillit të Ministrave, Urdhëra dhe Udhëzime të Këshillit të Ministrave dhe të Ministrive, Urdhëra dhe Udhëzime të çdo Ministrie, Enti Rregullator dhe Institucioni tjetër të Pavarur. Gjithashtu në këtë Web-Site mund të gjeni edhe format dhe formularët e ndryshëm të aplikimit që përdorin dhe kërkojnë Institucionet e ndryshme në aktivitetin e tyre dhe që lidhen me funksionimin dhe ecurinë e biznesit.

Nëpërmjet Regjistrit Elektronik për Legjislacionin e biznesit synohet jo vetëm konsultimi për projekt-aktet e ndryshme, por edhe për aktet që janë në fuqi, me qëllim përmiresimin e cilësise së tyre.
Aktualisht pjesë e këtij Web-Site, janë mbi 30-Institucione (Ministri, Ente Rregullatore dhe Institucione të tjera të Pavarura).

Burimi kryesor i akteve ligjore është Qendra e Publikimeve Zyrtare(QPZ). Regjistri Elektronik është projektuar për të plotësuar, lehtesuar, informuar, konsultuar, por jo për të zëvendësuar “Qendrën e Publikimeve Zyrtare”.

Gjithashtu çdo Ministri, Ent Rregullator dhe Institucion i Pavarur është përgjegjës për cilësine, tërësine e akteve në fuqi, saktësine, shtimin dhe përditësimin e informacionit sipas përkatësisë në këtë Web-Site. 

Ministria e Ekonomisë, Tregtisë dhe Energjetikës, në rolin e administratorit dhe monitoruesit të këtij Web-Site, është e angazhuar në përmirësimin e funksionimit dhe kompletimit të këtij Web-Site me të gjitha Rregullimet e tjera , të atyre Institucioneve që ende nuk jane bëre pjese e ketij Web-Site, si dhe përditësimin në kohe të akteve në këtë Web-Site nga Institucionet që tashmë janë  të përfshirë.

Portali qeveritar i Shqipërisë
www.e-albania.al